المساعد الشخصي الرقمي

مشاهدة النسخة كاملة : بتتمنى شنو للي بعدك

بنت الجزيرة
19-03-2009, 10:31 PM
بسم الله الرحمن الرحيم
كيفكم يا احلى اعضاء اخباركم شنو ان شاء الله تمام
الليلة جبت ليكم لعبة ظريفة ان شاء الله تحبوها
وهي انو تتمنى اي امنة حلوة او شينة للعضو الي بعدك
يلا في انتظار مشاركاتك
فاطمة الزهراء
19-03-2009, 10:35 PM
بتمني ليهو/ا....تكون سعيد/ه..راضي/ه...والله ينولو/لا الدايرينو...اسمعي انتي ما اتمنيتي ليه؟؟؟ارجعي اتمني لي....هههههههههه
بنت الجزيرة
19-03-2009, 11:17 PM
ما تزعلي يا زهراء المرة الجاية
انا بتمنى للعضو البعديني
انويكون مرتاح في حياتو
وما ناقصوا اي حاجة
ودالشبارقة
20-03-2009, 01:35 AM
انا بتمني ليه اكون مرتاح مااشوف شر في حياتو
وبتمني ليه زياره الحرمين انشاء الله
وبتمني انو اشوفو واتعرف بيه اديك العافية
يابت بلدي علي الامنية الحلوة دي
سلوى
20-03-2009, 08:50 AM
اااااااااااااالحق ....لقيت لي دعوة كاااااااااااااربة


اللهم امين يا ود الشبارقة احلى دعوة زيارة الحرم دي...زرته قبل كده ولا مانع للزيادة بدعوتك الحلوة دي


انا بتمنى للبعدي.....يكون اسعد زول في الدنيا ما يحزن ابدا...يعيش طول عمره سعيد

لفتة.....بنت الجزيرة ...حلووووة لعبتك يديك العافية
ابووائل
20-03-2009, 11:39 AM
بنت الجــــــــــزيرة .. جمعة مباركة ..
( الليلة جبت ليكم لعبة ظريفة ان شاء الله تحبوها)

موضوعك جميل .. وفيهو نوع من التغيير لكسر حاجز الرتابة والملل واظهار مشاعرنا الحقيقة لبعض وقطعا هى مشاعر سامية وكلنا بنحب بعض وبنتمنى الخير لبعض .. فقط فى كلمة لم ارتاح لها كثيرا فى الجملة اعلاها وهى كلمة (لعبة جديدة) .. وخصوصا وانت تطلبين من الناس استخراج مشاعرهم الحقيقة وما يكنونه من محبة لتصاغ فى شكل امنية لتتجسد فى الشخص الذى سوف يرد بعدى .... وده أاكييييد ما بكون لعبة !!!
ولكن يا ستى واضح انو صغر سنك له دور فى ذلك ..
وامنيتى للعضـــــــــو القبلى ... لانه تمنى لى امنية ولم يدرى من انا ، وهذا فى حد ذاته قمة الروعة والانسانية والذوق ، فاقول لها (السعادة تبراك محل ما تقبلى .. والحزن عمرو ما يعرف ليك باب..
امنياتى للى بعدى .. ان يكون دوما صادقا مع نفسه .. ويكون قلبه دليلو ..وربنا يحبب فيهو خلقو
شـــــــــكرا جميلا بنت الجزيرة
ابووائل
عادل يوسف
20-03-2009, 02:46 PM
سلام عليك يا أبو وائل ... بس إنت يا أخي تدخل وتقفل الباب وراك ... ما تترك من إبداعك للبعدك يكتب شئ ...
( السعادة تبراك محل ما تقبل .. والحزن عمرو ما يعرف ليك باب.. )
( امنياتى للى بعدى .. ان يكون دوما صادقا مع نفسه .. ويكون قلبه دليلو ..وربنا يحبب فيهو خلقو )
عجبتنى أمنياتك جداُ ... وأرد لك بأن تسعد في الدارين ...
وأمنيتى للبعدى أن مايشوف شر أبداً ....
شكراً بنت الجزيرة وشكراً أبو وائل ...
فاطمة الزهراء
20-03-2009, 03:00 PM
جمعتكم خير....وربنا يسعد اللي قبلي وبعدي...وبتمني ليهم كمان كل خير وصحه ومايزعلو ولايمرضو لاني عيانه بي دور برد بهدلني الليل مانمتو...ليكم كل عافيه
سلوى
21-03-2009, 01:43 PM
ابو وائل

عاجزة عن شكرك...وكلك زووق انت ياربي يعدلها عليك انت محل تقبل

وزهراء ..ابو وائل...ما تجهجونا ....قالوا للبعدك ولا قبلك ما عارفين خليتونا بين وبين ....ههههههههههههه

عموما انا باخد بكلام بنت الجزيرة ونرجع لفكرة الموضوع

انا بدعي للبعدي....ياربي يلقاها خضراء محل يقبل....خضارا يا يومة يبهر العين والقلب ...اااااااااامين
ودالشبارقة
21-03-2009, 02:09 PM
اااااااااامين يارب الله اديك العافية ياسلوي
دعوة كاربة
انا بقول للبعدي انشاء الله ربنا اوفقو في حياتو
ويوسع الله في رزقة ويغنيه بحلاله عن حرامه
ويعطية الصحة والعافية وماالاقي شر في حياتو
noha
22-03-2009, 02:38 PM
أمـــــــــــــــــــــين يارب

يله بتمنى للبعدى ياكل ليهو شطه حاااااااااره المويه ما تبردا :6:
فاطمة الزهراء
22-03-2009, 03:22 PM
انا باكل حسه يانغومه...بس بدون شطه...دقستي...
بتمني ليك تسعدي وتتهني مع شريك عمرك...ويرضي عنك ربك
البعدي بامني ليك اليوم فسحه حلوه وجميله....ويبرد يومك...نحن هنا ولعنا...لولا المكيفات كنا سحنا....
سلوى
22-03-2009, 03:27 PM
:smilie6:شكررررررررا يا زهرتي


بس اسمعي....مكيفات ما تبعنا يختي ..جونا تلج نحمد الله ...اللهم اكفينا شر الحساد

وكمان ما طالعة ..عارفين ما بتاعت مرقات مصاقراك ليل نهار ....ادعي لي بالله دعوة تانية ما نافعة معي دعوتك دي.....:smilie6:

انا بتمنى للبعدي....

يا يمة كده اول ما يطلع الشارع لاي سبب ماا...يلقى ليه كم تعاتشر مليون كدي في شنطة رايحة صاحبها زاته مجهول الهوية ....:6:
ودالشبارقة
22-03-2009, 06:02 PM
الصادق انا جيت قبييييل ومن لقيت دعوة سلوي السمحة دي طوالي جريت الشارع
قبل ماارد لقيت القروش اكان عندك شغلة امش قضيها خلي اللف في الشوارع

الصادق اديك العافية للدعوة وبقول ليك الله اديك بت حلااااااااال هدية ورضية
وبتمني للبعدي كل خير وعافية ويكون متهني في حياتو وسعيد/ة/ في حياتو
واجعل يومو دا اسعد ايام حياتو واسمع اخبار سعيدة زي ماانا منتظر اخبار من السودان
دعواتكم هوووووووووووووي
سلوى
22-03-2009, 06:12 PM
الحق ..........أقبض


اللهم أأأأأأأأأأأأأأأأأأأأأأأأأأأأأأأأأأأأمين يا ود الشبارقة وحاة الله منتظرة لي ....شيء كدي...يسمع منك الله انت ..وليك دعوة ..يارب يريح قلبك بسماع خبر حلوووو من السودان ياااااااااااااااااااااارب


للبعدي......يلم شمله بمن يحب ويشتااااااااق قلبه
واحد منكم
23-03-2009, 08:36 PM
الله على الكلام الروعة سلوى هو فعلآ انا دا القاعد افتش لية......يلم شمله بمن يحب ويشتااااااااق قلبه.........

""""""
اتمنى لة كل خير وصحة وعافية ويعيش حياة مليانة بالفرح والبسمة الدايمة
وربنااا بعطيهوو الفى بالووو........
ودالشبارقة
23-03-2009, 08:44 PM
بقول للقبلي الله الم شملك عشان الدموع دي تقيف ساااااي ياواحد مننا
والبعدي الله انور طريقو وافتحا عليه محل ماقبل وجعل ليه في كل خطوة سلامة
اميييييين يارب
بنت الجزيرة
04-04-2009, 04:41 PM
مشكووووووووووور ود الشبارقة على الدعوة الحلوة دي
بتمنى للبعديني انو يكون متفوق في حياتو العامة والخاصة
ضع تحت كلمة الخاصة دي تلاتة خطوط
صفاء عمر
04-04-2009, 04:50 PM
أمين يارب
تسلم كتير يابت الجزيرة

باتمني للبعدي وللكل
ان يكون سعيد في حياتو وراضي بالمقسوم عليه
وما يزعل من المشاكل او الصعاب المرت عليه وان يتحلي بالصبر ويستعين بالله سبحانه وتعالي
ودالشبارقة
04-04-2009, 05:00 PM
أمين يارب
تسلم كتير يابت الجزيرة

باتمني للبعدي وللكل
ان يكون سعيد في حياتو وراضي بالمقسوم عليه
وما يزعل من المشاكل او الصعاب المرت عليه وان يتحلي بالصبر ويستعين بالله سبحانه وتعالي
امييييييييييييييييييييييييييييييين تسلمي صفاء وانا بتمني ليك التوفيق في كل حياتك
وبتمني للبعدي وحاسس انو عذابي / ة ماعارف ليش انو ربنا اديه بت حلال هدية ورضية وربنا اسعدو / في الدنيا والاخرة
منية عبد البديع السنهوري
04-04-2009, 05:31 PM
طلعت اوت ود الشبارقة...لكن برضو حلوة

بتمنى للبعدى كل السمح وكل مايتمنى يتحقق ويسعد بزيارة بيت الله ....
ودالشبارقة
04-04-2009, 05:37 PM
طلعت اوت ود الشبارقة...لكن برضو حلوة

بتمنى للبعدى كل السمح وكل مايتمنى يتحقق ويسعد بزيارة بيت الله ....
خلاص حوليها لي مثاني هههههههه
دعوتك والله كاربة الله اديك الصحة والعافية واحفظ ليك اولادك وابوهم
امين يارب
ام ايمن
04-04-2009, 05:39 PM
مشكورة منيه على دعوتك الحلوة دى..
وانا بتمنى ليك وللبعدى وللجميع ربنا يحقق ليكم كل الأمانى الحلوة مقرونه بالعافيه والسعد وراحه البال ..وان يكفيكم ربنا شر خلقو وينقى قلوبكم ويبيض نفوسكم ونواياكم ويهديكم ويهدى بيكم...
آمـــــــــــــــــــــــــــــــــــــــــــين يارب العالمين...
(تخريمه انا جيت قبليك ود الشبارقه بس انت سبقتنى بالرد)
ودالشبارقة
04-04-2009, 05:56 PM
مشكورة منيه على دعوتك الحلوة دى..
وانا بتمنى ليك وللبعدى وللجميع ربنا يحقق ليكم كل الأمانى الحلوة مقرونه بالعافيه والسعد وراحه البال ..وان يكفيكم ربنا شر خلقو وينقى قلوبكم ويبيض نفوسكم ونواياكم ويهديكم ويهدى بيكم...
آمـــــــــــــــــــــــــــــــــــــــــــين يارب العالمين...
(تخريمه انا جيت قبليك ود الشبارقه بس انت سبقتنى بالرد)
هوووووووووووووووي ام ايمن الدعوة دي ماشا لي انا ماتجي خاشة في النص
تتشبكي في دعواتنا ساي وهاك دي مني ليك
يالله افتحا في وشك محل ماتقبلي وانور طريقك
وارد غربتك ودي اهما واحدة
ام ايمن
04-04-2009, 07:25 PM
هوووووووووووووووي ام ايمن الدعوة دي ماشا لي انا ماتجي خاشة في النص
تتشبكي في دعواتنا ساي وهاك دي مني ليك
يالله افتحا في وشك محل ماتقبلي وانور طريقك
وارد غربتك ودي اهما واحدة
ياسيدى ولا تزعل وليك كل الدعوات الحلوة وزى ما عايز وربنا يديك لما يرضيك ويفرحك باولاد اولادك ويديك الصحه والعافيه(العافيه دى اهم حاجه بدونها ما بنسوا حاجه)والدعاء لاخوى كانه لى....
ومشكور على دعوتك وربنا يحققها يارب ...
محمد عبدو
05-04-2009, 11:20 AM
بتمنى للبعدي كل السمح والعافية والنية الصافية وربنا يغفر ليه/ها ويبدل كل سيئاته/ها حسنات
هيئة الاركان
05-04-2009, 11:26 AM
أتمنى له ... امنيــــــــــــــــــــــــــــــــــــة واحدة ... فقط


أن يكون ............................. الله سبحانه وتعالى يحــــــــــــــــــــبه ............ وادعو له ان يكون من احباب الله ...
سلوى
05-04-2009, 12:09 PM
اللهم أأأأأأأأأأأأأأأأأأأأأأأأأأأمين يا هيئة الاركان ..دعوة جميلة شديد


انا بتمنى للبعدي.....انه ما يحزن ابدا في حياته....يسعد ويتهنى بكل دقيقة في عمره ..او عمرها
ودالشبارقة
05-04-2009, 04:10 PM
اللهم امين ياسلوي
البعدي بتمني ليه كل السمح لايضوق عذاب لاينجرح
سلوى
05-04-2009, 04:14 PM
جررررررررررري


جيت جاريةعارفةشبرقي دعواته لذيذة


الهم أأأأأأأأأأأأأأأأااامين

البعدي

ياربي محل تقبل تمسك التراب تلقاه نعيم وخير ومال
ودالشبارقة
05-04-2009, 04:47 PM
اللهم اميييييييييييييين ياسلوي مرقت برة جرررررررري لكن للاسف مالقيت لي تراب
اجلي لي الدعوة لمن ارجع بلد التراب هههههههههههههههههههه
بتمني لي البعدي الله اديه الفي مراده كلو واحفظ لية اولادو
وكان امراة يالله راجلا ما اتزوج عليها
سلوى
05-04-2009, 04:53 PM
أأأأأأأأأأأأأأأأأقبض


وما أأأأأأأقبض......هههههههههههه


ما سبقك عليها زوووول....ااامين برضوووو :6:


انا للبعدي


ياربي .....كان مغترب ولا مغتربة...ترجع السودان واول ما ترجع تلقى السخانة زي النار...وتجقلب...او يجقلب .....ههههههه
ام ايمن
05-04-2009, 06:13 PM
أأأأأأأأأأأأأأأأأقبض


وما أأأأأأأقبض......هههههههههههه


ما سبقك عليها زوووول....ااامين برضوووو :6:


انا للبعدي


ياربي .....كان مغترب ولا مغتربة...ترجع السودان واول ما ترجع تلقى السخانة زي النار...وتجقلب...او يجقلب .....ههههههه

سلوى دعوتك صادفت اهلها وانا فعلا راجعه السودان فى الوقت دا بالضبط...
وتعرفى بلدى بسخانتها واللى فيها زى العسل على قلبى ومستنيه اليوم دا بفارق الصبر...
وانا بتمنى للبعدى سعد العمر مقرون بالعافيه وراحه البال مختوم بزيارة بيت الله الحرام..
عبدالبديع الريح السنهوري
05-04-2009, 06:22 PM
كنت متمنى ادخل بعد ابو وائل لانو دعوتو جميلة ولكن للاسف اتيت متاخر شوية وبختك اخونا عادل يوسف ,,,,امنياتى لمن ياتى بعدى ان يجعل الله ختامه الاسلام ويعينه على نطق الشهادتين عندما يتوقف الكلام ويجعله من الذين قال فيهم المولى عز وجل بسم الله الرحمن الرحيم ( اولئك عليهم صلوات من ربهم ورحمة واولئك هم المهتدون ) صدق الله العظيم وشكرا بت الجزيرة الفكرة اللطيفة ....
عبدالبديع الريح السنهوري
05-04-2009, 06:25 PM
جمعتكم خير....وربنا يسعد اللي قبلي وبعدي...وبتمني ليهم كمان كل خير وصحه ومايزعلو ولايمرضو لاني عيانه بي دور برد بهدلني الليل مانمتو...ليكم كل عافيه
الف بعد الشر عليك ام ريم تسلمى من كل شر والله وامنياتنا ان يواليك ربنا بالعافية والصحة ونسمع عنك كل خير ,,,سلامات والله
عبدالبديع الريح السنهوري
05-04-2009, 06:34 PM
:smilie6:شكررررررررا يا زهرتي


بس اسمعي....مكيفات ما تبعنا يختي ..جونا تلج نحمد الله ...اللهم اكفينا شر الحساد

وكمان ما طالعة ..عارفين ما بتاعت مرقات مصاقراك ليل نهار ....ادعي لي بالله دعوة تانية ما نافعة معي دعوتك دي.....:smilie6:

انا بتمنى للبعدي....

يا يمة كده اول ما يطلع الشارع لاي سبب ماا...يلقى ليه كم تعاتشر مليون كدي في شنطة رايحة صاحبها زاته مجهول الهوية ....:6:سلوى شكلك من دعوتك دى عايزة تتخارجى من الغربة ومنتظرة تطلعى وتلقى الشنطة دى وترجعى وبقول المثل الفى بالك بتحلم بيه ,,وانا اقول ليش سلوى كلما تجى المنتدى تتلفت كدة وتعاين زى الرايحة ليها حاجة .والان عرفت السبب والا شنو يازهرة رايك فى كلامى الحرمة قلنا جعلية طلعتيها لينا تركية كمان واظهر المدبلج اثر عليك يازهراء وبتقولى انتى كمان مصرية والله بختهم المصاروة عندهم عباقرة زيك كدة و,,,, تسلمى وتسلم سلوى وبت الجزيرة ((انا بحب شكل الحريم))الحروف كلها بالفتحة وليس السكون ماتغلطوا ....
عبداللطيف الريح السنهوري
05-04-2009, 07:40 PM
تحياتي للجميع وامنياتي لمن ياتي بعدي بالصحة والعافية وحسن الخاتمة والقبول لاعماله يوم الموقف العظيم 000
وان يوفقه الله في عمله وحياته العائلية والعلمية 000
مجهولة الهوية
05-04-2009, 09:25 PM
بت الجزيرة موضوعك نايس والله
اوكى انا ح تمنى بس ماللى بعدي بس ليكم كلكم ...

اتمنى لكم الحياة السعيدة مع من تحبون من الاهل والاصدقاء
اتمنى لكم الزواج العاجل هع هع << ده ذا كنت ما متزوج _ او ما متزوجة
اتنمى لكم الحياة الكريمة في ظل والديكم الكرام
سلوى
06-04-2009, 07:02 PM
سلوى شكلك من دعوتك دى عايزة تتخارجى من الغربة ومنتظرة تطلعى وتلقى الشنطة دى وترجعى وبقول المثل الفى بالك بتحلم بيه ,,وانا اقول ليش سلوى كلما تجى المنتدى تتلفت كدة وتعاين زى الرايحة ليها حاجة .والان عرفت السبب والا شنو يازهرة رايك فى كلامى الحرمة قلنا جعلية طلعتيها لينا تركية كمان واظهر المدبلج اثر عليك يازهراء وبتقولى انتى كمان مصرية والله بختهم المصاروة عندهم عباقرة زيك كدة و,,,, تسلمى وتسلم سلوى وبت الجزيرة ((انا بحب شكل الحريم))الحروف كلها بالفتحة وليس السكون ماتغلطوا ....

عبدالبديع

دعواتك بس الغربة خلاص اكلت الفينا والجوانا ..ما خلت شيء...

وزهراء دي ...بس الصبر طيب...بوريها الاترك سمح ....:6:
ودالشبارقة
07-04-2009, 01:03 AM
سلوي جاني احباط لكن وين دعواتك الحلوة من الجري قربت اقع
عشان مااجي قدامي زول اشيلا مني .طيب؟
سلوى
07-04-2009, 01:11 AM
سمح يا شبرقي هاك طالما شحتتها اديك ليها عديل ولا بعدي ولا قبلي....:6:

ياربي يريح بالك ويلمك باهلك قريب...وتشوفهم عى خير...ويارب يسرع الايام وتلقاهم في اقرب فرصة ياااااااااااااارب

ويزيدك كمان وكمان من نعيمه
سلوى
23-07-2009, 08:22 PM
مالك يا شبرقي ما جيت اتلقيت دعوتك دي :6:


سمح اتمنى للبعدي....


الله يديه الفي مراده.....يارب...وايامه او ايامها تكون كلها فرح وسعادة...ويبعد عنه الحزن من طريقه يا كريم
ودالشبارقة
23-07-2009, 08:29 PM
تسلمي سلوي
قلت اخليهم ابقو اتنين وعارف دعواتك الحلوة
ودعوتي لي اختي سلوي
يارب اجمعك بالوالدة في اقرب فرصة وتجديها في اطيب حال هي وكل الاهل
اميييييييييييييين يارب
الامبراطور
31-08-2009, 12:28 PM
امنيتى تكون الدنيا حلوة مع كل الناس وتعطى كلو شخص حسب غرضوا
ثانى شى اتمنى اتعرف على كل الاعضاء
عبدالبديع الريح السنهوري
31-08-2009, 03:48 PM
يالله يا اخوانا الاعضاء نعرف الامبراطور بانفسنا مشكورين
الامبراطور
31-08-2009, 05:22 PM
تسلم ياغالى وياريت الناس تبادر لى ذلك
وانا مستعد
سلوى
01-09-2009, 10:57 PM
بتمنى للبعدي ...يشوف في الدنيا افراحها......ويضوق النعمة والراحلة ..ويكفيك ربي اتراحها ...ويقوي ضراعك الاخضر :6:
noha
02-09-2009, 01:01 AM
تسلمى يا سلوى حتى لو ماكانت لى لكن عجبنى الكلام
بتمنى للبعدى فى جو المطر الرهيب ده بتمنى من ربنا يغفر الذنوب ويسير الامور ويفرج الهموم ويسعدو فى الدنيا والاخره ويجعل ليهو فى كل خطوه بركه وينور ليهو طريقو و يجعلو من الصالحين يارب العالمين
sanaasanhoury
03-09-2009, 04:52 PM
بسم الله الرحمن الرحيم آميييين ولك بمثل ما دعوتي ولمن يأتي بعدي مع أمنياتي بعودة صاحبة البوست بنت الجزيرة والله فاقدنها وما عارفين نسأل عنها منو؟؟؟ربنا يمتعها بالصحة والعافية
سلوى
03-09-2009, 05:00 PM
اللهم امين يا سنسن......تسلمي انتي



وانا تاني ....:6:



بتمنى للبعدي ...يشوف في الدنيا افراحها......ويضوق النعمة والراحلة ..ويكفيك ربي اتراحها ...ويقوي ضراعك الاخضر
ودالشبارقة
03-09-2009, 05:26 PM
اميييييييييين
تسلمي سلوي
والبعدي بتمني
القاها خضرة وين
ماقبل وربنا احقق
ليه كل امانيه
واسعدو في
كل حياتو
فاطمة الزهراء
03-09-2009, 05:42 PM
اميييييييييييييييييين يارب امين ولك مثلها اخونا شبارقة...
واللي بعدي ..ربنا يفرحك ويرضي عنك ويديك كل خير وعفو من والديك ويرزقك الجنة..
سلوى
03-09-2009, 07:21 PM
اللهم امين يارب ..تسلمي فاطمة



يارب العفو والعافية والغنى والرضا من رب العالمين والجنة لكل من يدخل هذا البوست...ولو بنظرة ..والبعدي خصوصا :6:
ودالشبارقة
03-09-2009, 07:42 PM
اميييييييييييييييين
يارب ولكي مثلها
دائما عندي حظ في
دعواتك الحلوة دي
وبتمني للبعدي الرضاء
والقبول عند رب العالمين
والتوفيق في كل الحياة
منية عبد البديع السنهوري
03-09-2009, 09:20 PM
ياسلام عليك ياذوق...

بتمنى للبعدى يزور بيت الله الحرام السنة دى
فاطمة الزهراء
03-09-2009, 09:49 PM
ياسلاااااااااااام يامنية ياربي ياربي ياربي....ولك مثلها...
ياربي ازور بيتو ..وليك احلي حاجة مني لو تحققت الامنية دي...
وياربي يسعدك دنيا واخرة
اللي بعدي..تزور معاي البيت ياربي ياسيدي..ويرضي عنك ربك
سلوى
03-09-2009, 10:12 PM
اللهم امين يارب..مشكورة يا فاطمة


للبعدي

رضاء تام عن النفس..وراحة قلب وروح يا كريم
منية عبد البديع السنهوري
03-09-2009, 10:22 PM
الله عليكى ياغالية...

اللى بعدى بيتمنى ليه ربنا يرزقه بكل مايتمنى ويفتحها عليه يااااااااارب
فاطمة الزهراء
03-09-2009, 11:41 PM
اامييييييييييييييييييييييين....ياجماعة اللي بيجي بعدي يأمن علي دعوة منية لي دي ..لانها غاالية واحلي دعوة...ويا اللي بعدي ...اتمني ليك ما تحزن ابدا" ولا تنظلم ولايضيرك شي يارب..
منية عبد البديع السنهوري
03-09-2009, 11:52 PM
ياااااااااااااااااااارب...

بتمنى للجاى انه ربنا يسهل اموره كلها

ويحبب فيه خلقه
ودالشبارقة
03-09-2009, 11:52 PM
امييييييييييييييييييين
تسلمي منية واتمني لي بعدي كل السعادة
فاطمة الزهراء
03-09-2009, 11:56 PM
امين ياشبارقة امين يارب...
اللي بعدي ..بتمني ربي يحقق ليك كل ماتتمني...
منية عبد البديع السنهوري
03-09-2009, 11:59 PM
اميييييييييييين ياغالية....

اللى بعدى

اتمنى تنزل عليه ليلة القدر
noha
04-09-2009, 12:47 AM
أميـــــــــــــــــــــــــن يامنيه

البعدى اتمنى ليهو يضحك ضحكه من القلب تمسح كل الهموم والاحزان
سلوى
04-09-2009, 12:58 AM
اااااااااحي يا نهى...والله ضحكتها قبل شوية وفعلا شالت همي ...يارب تاني كمان :6:

تسلمي انتي يارب


للبعدي



يمرق الشارع يلقى في وشه ضيف ما متوقعه نهائي :6:
منية عبد البديع السنهوري
04-09-2009, 01:13 AM
ياااااااااريت

اللى بعدى....بتمنى ليه مكالمة تغير حياته 180 درجة للافضل
حواء بلادي
08-09-2009, 01:48 PM
اميييييييييين
البعدي بتمني ليه حسن الخاتمة
sanaasanhoury
16-09-2009, 01:58 AM
بسم الله الرحمن الرحيم آمييين ودي أحلى الدعوات للبعدي بتمنى ليه حجة وزيارة لمسجد المصطفى صلى الله عليه وسلم
الامبراطور
14-10-2009, 02:34 PM
اتمنى ليهو رضا الله ثم الوالدين
لو عزابى ربنا يفك بورتو :7: ويجمعنا بيهو